Whakaarohia kei tō tēpu koe e noho ana. He pukapuka kei raro i te mata rorohiko kei te takoto noa nei ētahi pouaka i hanga kāritia, me te pera. Ko ngā ārai o ngā matapihi kāore anō kia katia, me ngā mararātanga kei raro i tō tēpu. Kei te mamae tō tuarā, tō kakī me ō karu, nā reira ka nukuhia e koe ngā pera, ngā pukapuka me ngā pouaka hei whakatika i tō tūnga noho kia tau pai ai koe.
Mā ēnei mea pea e taunga ai koe.
- Nekehia he pera ki muri i tō tuarā. Ko te pera kei muri hei manaaki i tō tuarā hei tiaki kia kore ai e mamae. Mā te noho pera e noho teitei ai koe.
- Whakamahia he pouaka ki raro i ō waewae. Mā te pouaka kāri (rākau rānei) ka taea e koe te whakatā i ō waewae kia kore ai ō waewae e tautau. Peitahia te pouaka ki te tae murara ka uhi rānei ki te piripiri.
- Wetekina ngā pukapuka kei raro i te mata rorohiko. Mā konei e wātea ai koe ki te titiro hāngai ki tō whakaataata he tāūnga kē nā reira kaua e torohia tō kakī kia roa rawa ki runga ki raro rānei.
- Purua te kiore ki tō taha mauī. Kāore he raruraru mō te whakamahi i te ringa mauī ringa matau rānei, otirā te roa kē atu te toro ō tō kiore, te nui kē atu o te mamae me te mate. Mēna kei tō taha mauī te kiore kāore he mahi toro noa nā te mea kāore he papa tataunga kei te taha mauī o te papa patopato ka taunga kē te whakamahi i te kiore. Me ako ki te whakamahi i tō kiore mā te ringa mauī me te ringa matau.
- Whakamahia he pupuri whārangi. Mā te pupuri whārangi ka tukuna koe kia titiro hāngai kāore he mahi toro mahi kōwiri i tō kakī hei pānuitanga.
- Mahia he taunga ringa tērā pea he taunga pai tēnā mou.
- Katia ngā ārai. He mate māhunga mēna ka pīataata ka uru mai te rā rānei ki te mata rorohiko. Mēna ka katia e koe ngā ārai, ka ngāwari te pānui pai i te mata rā kia kore ai ō whatu e mate.
- Whakatikaina tō mata whakaata. Mēna ka taea e koe te titiro hāngai ki te mata rorohiko me te kore toronga o te kakī kia roa rawa ki runga ki raro rānei ka taunga kē koe. Mēna kei raro rawa tō whakaataata, purua he mea mārō ki raro mai, otirā, kia tūpato kei taka! Mēna he teitei rawa, whakaitihia, me noho rānei ki runga pera.
- Whakakorea ngā mararātanga kei raro i tō tēpu. Ko te mahi a ngā mararātanga he aukati i te toronga o ō waewae i raro i te tēpu, e kore ai tō tinana e tata atu ki tō rorohiko. Inā torotoro rawa ana ki te tiki ka pupū ake te mamae me te mate, ā, e kore e taea e koe te mahi pai.